Աջակենտրոն և նեոնացիստական ուղղությունների հարող երիտասարդների բախման հետևանքով Համբուրգի կրած վնասը ընդհանուր առմամբ կկազմի 1,5 մլն եվրո: Այսպես է համարում GdP ոստիկանության արհմիությունը:
Մոտ 1000 նեոնացիստներ շաբաթ դուրս են եկել Համբուրգի փողոցներ բազմամշակութայնության և տոլերանտության դեմ երթի: Այդ երթի դեմ հավաքվել են 10 անգամ ավելի շատ խաղաղ ցուցարարներ:
Քաղաքացիների անվտանգությունը ապահովել են ոստիկանության մոտ 4.4 հազ. Աշխատակիցներ, սակայն նրանք չեն կարողացել կանխել բախումը: Աջակողմյան պահպանողականները, փորձելով խափանել նեոնացիստների երթը, նրանց ճանապարհին բարիկադներ են տեղակայել, այնուհետև այրել են աղբամաններից ստեղծված բարիկադները: Այդ բախումը թալան է առաջացրել փողոցներում: Ակցիայի մասնակիցները ոստիկանների վրա քարեր են նետել, իսկ ոստիկանները, ի պատասխան, ջրային շիթեր են կիրառել:
Անկարգությունների հետևանքով տուժել է ոստիկանության 38 աշխատակից, այրվել է ոստիկանական 10 մեքենա, իսկ ակցիայի 700 մասնակից ձերբակալվել են:
N-24 հեռուստաալիքի տվյալներով՝ ոստիկանությունը խիստ է գործել: Այդ մասին վկայում են ականատեսների տրամադրած տեսանյութերը: