Եգիպտոսի նախկին նախագահ Հոսնի Մուբարաքի կինը` Սյուզան Մուբարաքը, կորցրել է գիտակցությունն այն բանից հետո, երբ դատարանը նրա ամուսնուն դատապարտել է ցմահ բանտարկության: Այս մասին հայտնել է «Ալ-Արաբիա» հեռուստաալիքը:
Ինչպես ավելի վաղ հաղորդվել էր, դատարանը 84–ամյա Մուբարաքին մեղավոր է ճանաչել խաղաղ ցուցարարների սպանության մեջ: Դատարանը եկել է այն եզրահանգման, որ Մուբարաքն իմացել է ցուցարարների սպանության մասին, բայց անձամբ ցուցարարների վրա կրակելու ուղիղ հրաման չի տվել:
Նրա երկու որդիների վրայից մեղադրանքները հանվել են «վաղեմության ժամկետի պատճառով»:
Գլխավոր դատախազությունը պահանջում էր Հոսնի Մուբարաքին դատապարտել մահվան, իսկ փաստաբանները պահանջում էին անմեղ ճանաչել նրան: Հարկ է նշել, որ մեղադրողներից ոչ մեկն իրեն մեղավոր չի ճանաչել: