Մոսկվայի իրավապահները քրեական գործ են հարուցել «Деспмедия» ՍՊԸ գլխավոր տնօրեն Իգոր Գուսեւի դեմ, որը համարվում է աշխարհի խոշորագույն սպամերը: Այս մասին տեղեկանում ենք «Коммерсантъ» թերթի հրապարակումից:
Glavmed.com գործընկեր ծրագրի միջոցով «Деспмедия»-ն ԱՄՆ-ում, Կանադայում եւ աշխարհի այլ երկրներում զբաղվել է մաքսանենգ դեղորայքի, այդ թվում` վիագրայի վաճառքով` թափոնափոստի` սպամի օգնությամբ: Քննության տվյալներով` Glavmed.com-ի շրջանառությունը վերջին 3.5 տարվա ընթացքում կարող էր կազմել $120 մլն.:
Շուկայի մասնակիցները չեն կարողանում մտաբերել նախկինում սպամերների դեմ հարուցված այլ գործեր եւ նշում են, որ 2009թ. ռուսական տնտեսության` սպամի պատճառած կորուստը գնահատվում է 14.1 մլրդ. ռուբլի: