Ինչպես հաղորդում են եգիպտական լրատվամիջոցները, Եգիպտոսի խորհրդարանի երկու պալատները դադարեցրել են իրենց աշխատանքն այնքան ժամանակով, քանի դեռ չի ավարտվել խորհրդարանական վերջին ընտրություններից հետո ստացված բողոքների ուսումնասիրությունը:
Հիշեցնենք, որ 2010 թ. դեկտեմբերին Եգիպտոսում կայացել էին խորհրդարանական ընտրություններ, որոնք ուղեկցվել էին բազմաթիվ խախտումներով: Ընդդիմությունն այդ ընտրությունների ժամանակ խորհրդարանում ոչ մի տեղ չէր ստացել: Ընտրություններին հաջորդեցին բախումները:
Հիմա Եգիպտոսի իշխանությունները փորձում են կատարել ընդդիմության բոլոր պահանջները, որպեսզի կարողանան ինչ-որ կերպ թուլացնել ներքաղաքական լարվածությունը։
Մի քանի օր առաջ այս հարցով բանակցություններ սկսելու առաջարկ էր արել երկրի նորանշանակ փոխնախագահ Օմար Սուլեյմանը, սակայն ընդդիմությունը հայտարարել է, որ չի ճանաչում այս իշխանություններին:
Իսկ բանակցությունների կգնա միայն այն դեպքում, երբ Մուբարաքը հրաժարական տա: