IRIB News-ի փոխանցմամբ՝ Իրանը նոտա է հղել Քուվեյթին՝ կապված այդ երկրում Իրանի 4 քաղաքացիների ձերբակալման հետ, որոնց դեմ չի ներկայացվել որևէ հիմնավոր մեղադրանք: Այս մասին Թեհրանում տեղի ունեցած մամուլի ասուլիսի ժամանակ հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը.
«Քուվեյթն իրանցի դիվանագետներին թույլ չի տվել կապ հաստատել այդ երկրում ձերբակալված Իրանի քաղաքացիների հետ: Իրանը համաձայն չէ իր քաղաքացիներին ներկայացված մեղադրանքների հետ և դրանք համարում է անհիմն:
Ավելի վաղ Քուվեյթը հրաժարվել էր Իրանի ձերբակալված քաղաքացիների նկատմամբ մեղադրանք ներկայացնելու մտադրությունից, սակայն հետագայում անհայտ պատճառներով այդ հարցը բերվեց օրակարգ»:
Հիշեցնենք, որ Քուվեյթում ձերբակալված Իրանի քաղաքացիները դատապարտվել են ցմահ ազատազրկման: Որոշ տվյալներով՝ նրանք մեղադրվում են լրտեսական գործունեություն ծավալելու մեջ:
