62-ամյա բրիտանուհի Շոյլա Քուքն առաջինն է, ում վիրահատական միջամտության օգնությամբ բուժել են դեպրեսիայից:
Թոշակառու կինը սկսել էր տառապել դեպրեսիայից մոտավորապես 10 տարի առաջ, և ինչ մեթոդներ ասես, որ չեն օգտագործվել նրան բուժելու համար, սակայն որևէ մեկն օգուտ չի տվել: Վերջ ի վերջո, պատմության մեջ առաջին անգամ կնոջն առաջարկվել է մի վիրահատություն, որը կոչվում է ուղեղի խորը խթանում:
Նեյրովիրաբուժության այսպիսի միջամտությամբ ազդում են ուղեղի այն գոտիների վրա, որոնցից կախված է մարդու դեպրեսիվ վիճակը:
УКРИНФОРМ գործակալությունը հայտնում է, որ այդ գործողության ժամանակ մաշկի տակ անցկացվում են բարակ լարեր, որոնց օգնությամբ ուղեղի այն հատվածները, որոնք գտնվում են ճնշված վիճակում, անընդհատ կզգան էլեկտրական ազդակներ:
Արդյունքը գերազանցել է բոլոր սպասումները: Արդեն մի քանի շաբաթ հետո կինը կարողացել է իրեն երջանիկ զգալ և հաճույք ստանալ կյանքից: Սակայն վիրաբույժները հավաստիացնում են, որ դեռ շուտ է խոսել այս վիրահատության երկարաժամկետ արդյունքների մասին:
