Առաջիկայում Բրյուսելում կայանալիք ԵՄ առաջնորդների համաժողովում գլխավոր խնդիրը լինելու է նավթի և գազի առաքումների անվտանգությունը: Շվեդական խորհրդարանի եվրոպական հարցերով հանձնաժողովի ղեկավար Կարլ Համիլտոնը Trend-ի հետ զրույցում ասել է, որ մերձավորարևելյան ներկայիս լարվածության պայմաններում Ադրբեջանը կարող է դառնալ Եվրամիության հիմնական էնեգետիկ գործընկերներից մեկը: «Առաջիկա համաժողովում քննարկվելու են էներգետիկ քաղաքականության և եվրոպական շուկայի ազատականացման խնդիրները: Մերձավոր Արևելքը գնալով ավելի անկայուն է դառնում, այս կոնտեքստում Հարավային Կովկասը դառնում է Եվրոպայի հիմնական էներգետիկ գործընկերը»,- ասել է Համլիթոնը: Հյուսիսային Աֆրիկայի վերջին իրադարձությունները, ամենայն հավանականությամբ, հետևանքներ կունենան նաև տարածաշրջանի այլ երկրներում, ինչը կազդի Եվրոպա վառելիքի արտահանման վրա, կարծում է շվեդ խորհրդականը: Ներկայումս ադրբեջանական նավթն ու գազը Եվրոպա առաքվում են Բաքու-Ջեյհան, Բաքու-Սուփսա և Բաքու-Նովոռոսիյսկ խողովակաշարերով:
