Ինչպես հաղորդում է CA-News-ը, Չինաստանը սկսել է իրականացնել մի այնպիսի միջազգային հավակնոտ ծրագիր, որի նպատակն է ստեղծել գերարագ երկաթուղիների նորագույն ցանց` նախ երկրի ներսում, ապա նաև Չինաստանի սահմաններից դուրս:
Այս երկաթգծի ուղղություններից մեկն էլ Կենտրոնական Ասիայի երկրները (Ղազախստանը, Ուզբեկստանը, Թուրքմենստանը) պետք է կապի Գերմանիայի հետ: Չինաստանի երկաթգծային տրանսպորտի նախարարության պաշտոնական ներկայացուցիչը հայտնել է, որ թվով 17 պետությունների հետ վարվում են նախնական բանակցություններ:
Պեկինի տրանսպորտային համալսարանի պրոֆեսոր Վան Մենշուն ասել է, որ Չինաստանը դեռևս 3 տարի առաջ երկրի ներսում սկսել է գերարագ երկաթգծային այս ցանցի մի հատվածի շինարարությունը:
Նշենք նաև, որ Չինաստանի նախագահ Խու Ցզինթաոյի Վաշինգտոն կատարած այցի ժամանակ Սպիտակ տունը հայտարարել էր.
«Չինաստանի երկաթգծային տրանսպորտի նախարարությունը և Jeneral electric ընկերությունը համաձայնագիր են ստորագրել, որով հայտնում են չինական գերարագ երկաթգծային ճանապարհների տեխնոլոգիան ԱՄՆ-ում կյանքի կոչելու ստրատեգիական համագործակցության մտադրության մասին»:
