Տեղեկանալով Ազատության հրապարակում անցկացվելիք սպորտամշակութայի միամսյակի մասին` ՀՀՇ վարչության նախագահ Արամ Մանուկյանը շատ ուրախացավ:
«Լավ է, որ մեր դիմումների շնորհիվ Երևանում կազմակերպվում են սպորտային, մանկապատանեկան և մշակութային միջոցառումներ»,- ասում է Արամ Մանուկյանը:
Հիշեցնենք, որ փետրվարի 18-ին Ազատության հրապարակում հանրահավաք կազմակերպելու թույտվություն ստանալու համար ՀԱԿ-ը քաղաքապետարան հայտ արդեն ներկայացրել է:
Սակայն քաղաքապետարանը որոշել է Ազատության հրապարակը փետրվարի 15-ից մի ամսով զբաղեցնել մանկապատանեկան միջոցառումներով:
«Ինչպես ասում են` չկա չարիք առանց բարիքի: Երեխաների համար միջոցառում կազմակերպեցին»,- կատակում է Արամ Մանուկյանը: