Այսօր հրավիրած մամուլի ասուլիսի ժամանակ ՀՅԴ խմբակցության պատգամավոր Լիլիթ Գալստյանը հայտարարեց, որ ինքը պետության վախճանի զգացողություն ունի: Միջազգային բազմաթիվ ցուցանիշներով միայն հետընթաց ենք արձանագրել:
Անդրադառնալով Տիգրան Կարապետյանի հանրահավաքներին` Լիլիթ Գալստյանը նշեց,որ շատերը նրա կողքին են հայտնվում ոչ թե այն բանի համար, որ խախտվում են նրանց իրավունքները կամ սոցիալապես անապահով են, այլ ընդդեմ անարդարությունների:
ԱԺ պատգամավորն ասաց, որ Աստված մի արասցե, որ սոցիալական խռովություն լինի: ՀՅԴ պատգամավորը կարծում է, որ պետք է պահանջատեր քաղաքացիներ ձևավորվեն և պայքարեն իրենց իրավունքների համար:
ՀՀԿ պատգամավոր Մանվել Բադեյանը կարծիք հայտնեց, որ սոցիալական որևէ խռովություն դրական արդյունքի չի հասնի:
Անդրադառնալով արաբական աշխարհում տեղի ունեցող իրադարձություններին` Մանվել Բադեյանը նշեց,որ զուգահեռներ անցկացնել մեր և նրանց միջև անտրամաբանական է, քանի որ մենք արաբ չենք:
