ՀՀ կրթության և գիտության նախարարությունը և «Կրթական ծրագրերի կենտրոն» ԾԻԳ-ը` ՀԲ-ի դրամաշնորհով Սյունիքի գյուղական համայնքներում իրականցնելու են նախադպրոցական կրթության միկրոծրագրեր:
Սյունիքի 109 համայնքներում այսօր գործող 52 մանկապարտեզի թիվը իրականացվելիք ծրագրի շրջանակներում կավելանա 20-ով:
Օրերս «Կրթական ծրագրերի կենտրոն» ԾԻԳ-ի ներկայուցիչները Կապանում մարզի համայնքների ղեկավարներին, նախակրթարանների տնօրեններին ներկայացրին ծրագիրը:
Ըստ գրասենյակի տնօրենի պաշտոնակատար Հայկ Մաղաքյանի` ծրագիրը հիմնականում ուղղված է համայնքներում նախադպրոցական ծառայությունների և եղած ծառայություններում նոր խմբերի ստեղծմանը։ Այն նախատեսված է 5-6 տարեկան երեխաների համար:
Ծրագիրը իրականացվելու է այն համայնքներում, որտեղ չկան նախակրթարաններ, և խմբեր կարող են ստեղծվել գործող դպրոցի բազայի հիման վրա: Միաժամանակ համապատասխան պայմաններ ունեցող մանկապարտեզների շենքերը ևս կօգտագործվեն:
Դրամաշնորհով նախատեսվում է տարածքի նորոգման աշխատանքներ, խաղալիքների, գույքի ձեռքբերում և այլն: Սակայն տրամադրված գումարը բացառվում է օգտագործել որպես աշխատավարձ և կոմունալ ծախսեր:
Ընդհանուր առմամբ ծրագիրն արժե 17 հազար 500 ԱՄՆ դոլար, ինչը անհրաժեշտ գումարի 75 տոկոսն է, 25 տոկոսը պետք է տրամադրի համայնքը: Իսկ թե գյուղական համայնքներին որտեղից այդ գումարը, ոչ մեկին չի հետաքրքրում:
Ասում են, որ ներդրումը կարող է լինել աշխատուժի, սննդի տեսքով:
