«Հոկտեմբերի 27-ը պետական հեղաշրջում էր, որը վերջնականապես չի բացահայտվել, եւ հենց այդ չբացահայտվածությունն էլ գլխավոր հետեւանքն է: Եթե այդ կարգի հանցագործությունը չի բացահայտվում, նշանակում է, որ ցանկություն չկա բացահայտելու: Ինչպես նաեւ կա մեծ հավանականություն, որ կազմակերպված էր օտար ուժերի կողմից, բայց նաեւ տեղական մասնակցությամբ: Այդ հեղաշրջումն ուղղված էր Հայաստանի անկախության դեմ»,- մեզ հետ զրույցում ասաց հրապարակախոս Հրանտ Տեր-Աբրահամյան:
Տեր-Աբրահամյանը հուսով է, որ մենք մի օր կիմանանք
հոկտեմբերի 27-ի արյունահեղության մանրամասները, քանզի քանի դեռ դրանք բացահայտված չեն, անիմաստ է խոսել Հայաստանի անկախության մասին. «Եթե անկախ պետություն ենք, ապա պիտի բացահայտվի այդ ամենը»:
Իսկ բացահայտման համար, ըստ Տեր-Աբրահամյանի, անհրաժեշտ է իշխանության փոփոխություն. «Այս իշխանությունների օրոք այդ հարցը թաղված է մնացել: Նաեւ պետք են արտաքին պայմաններ»: