Ինչո՞ւ էր հակառակորդը Սասուն Միքայելյանին «Չոռնի ծյուլպան» կոչում

«Սասուն» ջոկատի հրամանատար Սասուն Միքայելյանին, ինչպես հիշում են մարտական ընկերները, հակառակորդը անվանում էր «Չոռնի ծյուլպան»՝ «Սև կակաչ»։ Մեր այն հարցին ի պատասխան, թե՝ ինչո՞ւ հենց «Սև կակաչ», մարտական ընկերները պատմեցին, որ սև կակաչը մուսուլմանների համար ասոցացվում է վախի ու սարսափի հետ։ Բացի այդ, «Սասուն» ջոկատը ամենախիզախ կռվող ջոկատներից մեկն է եղել, հետևաբար թշնամին սարսափել է «Չոռնի ծյուլպան» անունը լսելուց։ Իսկ մարտնչողների թվով ջոկատն այնքան մեծ է եղել, որ ասոցացվել է կակաչներով լի դաշտի հետ։