Ադրբեջանական Salam News գործակալության փոխանցմամբ՝ Ադրբեջանի փոխարտգործնախարար Խալաֆ Խալաֆովը մեկօրյա այցով ժամանել է Իրան: Խալաֆովի իրանական այցը տեղի է ունենում նրա իրանցի գործընկեր Աբբաս Արագչիի հրավերի հիման վրա:
Խալաֆովի և Արագչիի հանդիպման ժամանակ կողմերը քննարկել են երկկողմանի հարաբերությունների հարցը և փոխադարձ հետաքրքրության կենտրոնում գտնվող մի շարք հարցեր:
Խալաֆովն Իրանում հանդիպել է նաև արտգործնախարար Ալի Աքբար Սալեհիին: Հանդիպման ժամանակ Խալաֆովը հայտարարել է, որ Ադրբեջանը Իրանի հետ իր կապերի հարցում չի հարցնելու որևէ մեկի թույլտվությունը: Սալեհին իր հերթին հայտարարել է, որ Իրանն Ադրբեջանի իսկական ընկերն է՝ հույս հայտնելով, որ երկու հարևան երկրների միջև հարաբերություններն էլ ավելի կզարգանան:
