ԱՄՆ-ի Սենատի միջազգային կոմիտեի անդամ, ավագ հանրապետական Ռիչարդ Լուգարը, որը սենատոր է դարձել 1977 թ., դադարեցնում է խորհրդարանականի իր գործունեությունը:
Ինչպես հաղորդել է NBC հեռուստաալիքը, երեքշաբթի 80-ամյա Լուգարը Ինդիանայում պարտվել է համակուսակցական Ռիչարդ Մերդոկին, որը զբաղեցնում է նահանգի ֆինանսների նախարարի պաշտոնը:
«Լուգարը զիջել է Մերդոկին, ինչն անհնար է դարձնում նոյեմբերի 6-ին նրա մասնակցությունը Կոնգրեսի ընտրություններին: Դա նշանակում է, որ Լուգարը չի վերադառնա Սենատ, իսկ նրա տեղի համար պայքարելու է Մերդոկը դեմոկրատ Ջո Դոնելի հետ»,- հաղորդում է հեռուստաալիքը:
Լուգարը ԱՄՆ-ի պատմության մեջ մտել է նաև նրա համար, որ միակ հանրապետականն էր, որը սենատորի պաշտոնը այսքան երկար տարիներ զբաղեցրել է: Նա սենատոր է ընտրվել վեց անգամ անընդմեջ: