Թուրքական Anadolu գործակալության փոխանցմամբ՝ Թուրքիայի փոխվարչապետ Բյուլենթ Արընչը TRT հեռուստաալիքի «Օրակարգ» հաղորդման ժամանակ հայտարարել է, որ Էրդողանից վախենում են՝ նկատի ունենալով ղեկավարման նախագահական համակարգին անցում կատարելու հետ կապված անհանգստությունները.
«Ես շատ պարզ եմ մոտենում տվյալ հարցին: Ժողովրդավարական կարգ ունեցող երկրներում հնարավոր են ղեկավարման նախագահական, կիսանախագահական, խորհրդարանական մեթոդները: Ներկայումս մեզ մոտ գործում է վերջին տարբերակը: Անհրաժեշտ է քննարկել այդ համակարգերը:
Երկրի ղեկավարման նախագահական համակարգը հեշտությամբ կընդունվեր, եթե չլիներ վարչապետ Ռեջեփ Էրդողանը, նրա ուժեղ լիդերությունը, նախագահական ընտրություններում նրա հավանական հաղթանակը: Կան մարդիկ, որոնց անհանգստացնում է այս ամենը»:
