Վարշավայի վերաքննիչ դատարանը, երեքշաբթի քննելով չեչենական անջատողականների առաջնորդ Ահմեդ Զակաեւի գործը, չեղյալ է համարել առաջին ատյանի դատարանի որոշումը եւ միաժամանակ դադարեցրել նրա ձերբակալման մասին հարուցված քրեական գործը: Հիշեցնենք, որ սեպտեմբերի 17-ին Վարշավայի առաջին ատյանի դատարանը մերժել էր շրջանային դատախազության հայցը` Զակաեւին ձերբակալելու մասին ռուսաստանի խնդրանքը բավարարելու վերաբերյալ: Դատախազությունը բողոքարկել էր դա:
Զակաեւը չի մասնակցել դատին, քանի որ ըստ նրա փաստաբանի՝ չէր հասցրել ձեւակերպել համապատասխան թղթերը Բրիտանիայում, որտեղ ստացել է քաղաքական ապաստարան:
