ՆԱՏՕ-ի ներկայացուցիչ Օանա Լունգեսկուն ՌԴ նախագահ Վլադիմիր Պուտինի երդմնակալությունը «անընդհատության նշան» է անվանել Ռուսաստանի և ՆԱՏՕ-ի հարաբերություններում:
«Մենք տեսանք նախագահ Պուտինի երդմնակալությունը, որն ինչպես կարող ենք ասել, հանդիսանում է Ռուսաստանի ղեկավարության և քաղաքականության անընդհատության նշան»,- ասել է նա:
Լունգեսկույի խոսքերով` ՆԱՏՕ-ն կշարունակի Ռուսաստանի և նրա ղեկավարության հետ համագործակցությունը:
Դաշինքի պաշտոնական ներկայացուցիչը հիշեցրել է, որ հենց ՌԴ նախագահ Վլադիմիր Պուտինն է 2002թ-ին համաձայնել ստեղծել Ռուսաստան-ՆԱՏՕ խորհուրդը:
«2010թ-ի Լիսաբոնի համագումարում մենք համաձայնել էինք շարունակել համագործակցությունը և դա մնալու է որպես գլխավոր նպատակ»,- մատնանշել է Լունգեսկուն:
Բացի այդ՝ ՆԱՏՕ-ի ներկայացուցիչը նշել է, որ ՌԴ-ի և ՆԱՏՕ-ի միջև երկխոսությունը ՀՀՊ համակարգերի վերաբերյալ դեռ շարունակվելու է:
