Մայրաքաղաքային ոստիկանությունը հայտարարել է, որ Մոսկվայում Բոլոտնի հրապարակում տեղի ունեցած զանգվածային ակցիայի ժամանակ տարբեր իրավախախտումներ կատարելու համար ձերբակալվածների թիվը գերազանցել է 400-ը, հաղորդում է BBC-ն:
«Ըստ ստուգված տվյալների` հակաիրավական գործողություններ կատարելու, ոստիկանության աշխատակիցներին չենթարկվելու և սադրիչ գործողություններ կազմակերպելու համար ձերբակալվել է 400 մարդ: Բացի դրանից` «Տեատրալնայա» մետրոյի մոտ ձերբակալվել է մոտ 40 նացիոնալիստ, ովքեր փորձում էին մետրոյում ծեծկռտուք առաջացնել և ոստիկանության հանդեպ սադրանք իրականացնել»,- Интерфакс գործակալությունը մեջբերում է գերատեսչության ներկայացուցչին:
Ավելի վաղ հաղորդվում էր մոտ 250 ցուցարարի ձերբակալման մասին, սակայն նրանց թիվը շարունակում է աճել, քանի որ բախումները ոստիկանության հետ շարունակվում էին «Միլիոնների երթի» ավարտից հետո:
Հաղորդվում է նաև, որ ընդդիմության ակցիայի ժամանակ տուժել է մոտ 20 ոստիկան, որոնցից 3-ը հոսպիտացվել են:
