Ռուսական ԶԼՄ-ները հաղորդում են, որ ոստիկանությունը ձերբակալել է Ալեքսեյ Նավալնիին և Սերգեյ Ուդալցովին: Ինչպես հաղորդվում է, նրանց հաջողվել է հասնել Բոլոտնի հրապարակի բեմահարթակին, որտեղ պետք է տեղի ունենար ցույցը, սակայն հենց Ուդալցովը սկսել է ելույթ ունենալ, նրան ձերբակալել են:
Ինչպես հաղորդում է Грани.ру-ն, Մոսկվայի կենտրոնում դրությունը շատ լարված է: Սկսվել է նստացույց, իսկ Բոլշոյ Կամենի կամուրջը ՕՄՕՆ-ը շրջափակել է: Այս մասին դեպքի վայրից հաղորդում են ռուսական հրատարակությունների թղթակիցները:
Կես ժամ առաջ Սերգեյ Ուդալցովը և Ալեքսեյ Նավալնին նստացույցի կոչ են արել: Մարդիկ նստում են ասֆալտի վրա ու վանկարկում` «Մենք չենք գնա»:
«Մեզ մնացել է դիմակայել 12 ժամ մինչև երդման արարողությունը: Մենք երեք պահանջ ունենք. Դաշնային հեռուստաալիքների եթերում ընդդիմությանը հատկացնել ուղիղ եթեր, չեղյալ համարել Պուտինի երդման արարողությունը և նորից նշանակել նախագահական ու խորհրդարանական ընտրություններ»,- նշել է Ուդալցովը:
Հաղոդրվում է նաև, որ Բոլշոյ Յակիմանկե փողոցի 35 շենքի 5 –րդ կամ 6-րդ հարկի պատշգամբից երթը լուսնակրող լուսանկարիչը ցած է ընկել և մահացել:
