Ինչպես հայտնում է BMF գործակալությունը, Եվրահանձնաժողովն անցկացրել է հետազոտություն եւ պարզել, որ 2008թ.-ից ԵՄ խոշոր գործընկերները 332 խոչընդոտ են ստեղծել` խթանելով իրենց արտահանումը: Ռուսաստանը եղել է ամենաշատ խոչընդոտներ ստեղծող երկիրը, որին հետեւում են Չինաստանը, Բրազիլիան, Արգենտինան, ՀԱՀ: Ըստ տվյալների՝ այդ քայլերն ազդել են 1.7%-ով ԵՄ արտահանման ծավալների վրա: Ցուցակում նաեւ նշված են Ուկրաինան եւ Բելառուսը: Առեւտրի հարցերով ԵՄ հանձնակատար Կարել դե Գյուխտը հայտարարել է. «Խոշոր տնտեսությամբ երկրներին անհրաժեշտ է հրաժարվել խոչընդոտող միջոցներից, որոնք խանգարում են ՀՆԱ-ի աճին: Դա առավել վտանգավոր է ներկա իրավիճակում, երբ տնտեսությունների վերականգնումն ընթանում է դանդաղ տեմպերով: Որպեսզի զարգացնենք միջազգային տնտեսությունը, մենք պետք է վերացնենք այդ խոչընդոտները»: