Իսլամ դավանող ամերիկացի կինը նախկին ղեկավարից կստանա 5 միլիոն դոլարի փոխհատուցում` աշխատավայրում խտրականության դիմաց: Նման որոշում է կայացրել Միսսուրի նահանգի երդվյալների դատարանը:
Սյուզան Բաշիրի խոսքով` այն բանից հետո, երբ ինքը 2005-ից սկսել է դավանել իսլամ, հալածանքների է ենթարկվել ԱՄՆ բջջային կապի խոշոր ընկերության` AT&T-ի կողմից: Մասնավորապես, նրան արգելել են աշխատանքի գալ մազերը ծածկած և մի անգամ նրա անմիջական ղեկավարը պոկել է գլխաշորը:
Բացի 5 միլիոն դոլարից` Սյուզան Բաշիրը կստանա նաև 120 հազար դոլար չվարձատրված աշխատանքի և այլ կորուստների դիմաց: Ընկերության փաստաբանները հայտարարել են, որ պատրաստվում են բողոքարկել վճիռը:
Փախհատուցման գումարն ամենամեծ գումարն է, որ երբևէ վճարվել է Միսսուրիի նահանգում խտրականության դիմաց: