Բարաք Օբաման իր համախոհների առաջին ցույցի ժամանակ, որը տեղի է ունեցել մայիսի 5-ին, ամերիկացիներին կոչ է արել հանրապետականների թեկնածու Միթ Ռոմնիին հնարավորություն չտալ ընտրվելու: Associated Prees-ի ներկայացմամբ` Օբաման հայտարարել է, որ Ռոմնին մտադիր է ԱՄՆ-ի տնտեսության վերահսկումը հանձնել պահպանողականներին, որոնց չի հետաքրքրում միջին դասը:
«Սա ուղղակի հերթական ընտրություններ չեն, սա ճակատագրական պահ է միջին դասի համար»,- հայտարարել է ԱՄՆ գործող նախագահը Օհայո նահանգում մոտ 10 հազար մարդկանց առջև:
Օբաման նշել է, որ Ռոմնին և «նրա ընկերները Կոնգրեսում» ձգտում են նվազեցնել հարկեը հարուստների համար և կրճատել ֆինանսական ծրագրերը, որոնք աջակցում են միջին դասի ներկայացուցիչներին:
Ժողովրդական կուսակցության թեկնածուի խոսքերով` հանրապետականները հույս ունեն, որ ընտրողները չեն հիշի, թե վերջին անգամ ինչի հանգեցրեց նրանց տնտեսական քաղաքականությունը:
Ավելի ուշ Օբաման իր համախոհների առաջ ելույթ է ունեցել նաև Վիրջինիա նահանգում:
