Հունվարի 19-ին` ժամը 15.20-ին, 1957 թ. ծնված Սամվել Տ.-ն ահազանգել էր ոստիկանության Մարտունու բաժին, որ նույն օրը, ժամը 12.50-ի սահմաններում, 3 անհայտ անձինք խաբեությամբ մուտք են գործել իր բնակարան, ծեծի ենթարկել կնոջն ու որդուն, դանակի սպառնալիքով գումար և ոսկյա զարդեր պահանջել, որից հետո հափշտակելով ոսկյա զարդերը` դիմել են փախուստի:
Ոստիկանության տարբեր ստորաբաժանումների ծառայողների ձեռնարկած օպերատիվ-հետախուզական և քննչական միջոցառումների արդյունքում՝ նշված հանցագործությունը կատարելու կասկածանքով հունվարի 26-ին, ժամը 16.15-ին, բերման է ենթարկվել նախկինում դատապարտված, 1970 թ. ծնված Վահագն Ղ.-ն: Նա Սևան քաղաքի Նալբանդյան փողոցում գտնվող իր ավտոտնակից ներկայացրել է «Մակարով» ատրճանակ` լիցքավորված 9 մմ տրամաչափի 6 փամփուշտով:
Նշանակվել է փորձաքննություն: Վահագն Ղ.-ն ձերբակալված է:
Կատարվում է նախաքննություն: