ԱՄՆ նախագահի հանրապետական թեկնածու 65-ամյա Միթ Ռոմնին երեկ 18-րդ անգամ պապիկ է դարձել։ Մայիսի 4-ին նրա թոռնիկների թիվն ավելացել է միանգամից 2-ով։ Այս մասին հաղորդում է Associated Press գործակալությունը։
Նշվում է, որ երեխաների ծննդյան մասին հայտարարել է նրա որդին՝ Թեգը։ Հայտնի է, որ երեխաները ծնվել են փոխնակ մորից։ Նրանց կենսաբանական ծնողներն են Թեգ Ռոմնին և նրա կինը՝ Ջենը։ Թեգի ընտանիքում արդեն կար 4 երեխա։
Հիշեցնենք, որ Ռոմնիները մորմոններ են։ Այս նախընտրական շրջանում նրանք հանդես են գալիս հղիության ընդհատումների, միասեռական ամուսնությունների, ինչպես նաև վերարտադրության ժամանակ ցողունային բջիջներ օգտագործելու դեմ։
Հիշեցնենք, որ Ռոմնիի հիմնական մրցակիցը՝ գործող նախագահ Բարաք Օբաման, ունի ընդամենը երկու դուստր՝ Միշելը (14 տարեկան) և Սաշան (11 տարեկան)։