Լիբերիայի նախկին նախագահ Չարլզ Թեյլորի համար մեղադրող կողմը պահանջել է 80 տարվա ազատազրկում:
Ինչպես հաղորդում է BBC-ն, Հաագայի Միջազգային տրիբունալն ավելի վաղ Թեյլորին մեղավոր էր ճանաչել ռազմական հանցագործությունների մեջ: 64-ամյա նախկին բռնակալի դեմ 11 կետից բաղկացած մեղադրանք է ներկայացվել, այդ թվում՝ սպանություններ, բռնաբարություններ, ահաբեկչական գործունեություն, հաննիբալիզմ, Սիերա Լեոնեի հետ պատերազմի հրահրում և այլն:
Իր մեղադրական խոսքում դատախազը նշել է, որ Թեյլորը պարզապես զենքի առևտրով զբաղվող մեկը չէր: Նրա խոսքերով՝ նախկին նախագահն անձամբ է կանգնած եղել Սիերա Լեոնեի հետ քաղաքացիական պատերազմի տարիներին ամենաարյունալի իրադարձությունների ետևում: Իր «ահաբեկչական գործունեությամբ» Թեյլորն աջակցել է ապստամբներին՝ փոխարենը ստանալով ստրկական աշխատանքով հանված «արյունոտ ալմաստներ»:
Չարլզ Թեյլորրը Լիբերիայի նախագահի պաշտոնը զբաղեցրել է 1997-2003 թթ.: 2006 թ. նա ձերբակալվել է և կանգնել Հաագայի դատարանի առաջ: Բռնակալի դեմ դատավարություը տևել է 5 տարի: Դատավճիռը կկայացվի 2012 թ. մայիսի 30-ին:
