Ամերիկյան Vanity Fair-ի հաղորդմամբ՝ Մերլին Մոնրոն Էլիզաբեթ Թեյլորին համարել է իր գլխավոր մրցակիցը և համաձայնել է ստեղծել իր կարիերայի ամենաբաց ֆոտոշարքերից մեկը, որպեսզի մրցակցին թողնի ստվերում:
1960 թվականին լուսանկարիչ Լարրի Շիլլերը լողավազանի մոտ ստեղծել է դերասանուհու բաց լուսանկարների շարք, որոնք տարածվեցին ողջ աշխարհով մեկ: Հետո նա զղջացել է այդ լուսանկարների համար`ինքն իրեն հարցնելով «Մերկանալը միակ բանն է, որ ես կարող եմ անել»:
Իր «Մերլինը և ես» մեմուարներում, որն ընդգրկում է դերասանուհու կյանքի 1960-1962 թվականները (մինչ Մոնրոյի մահը), Շիլլերը պատմում է, որ նրանք հանդիպեցին, երբ Մոնրոն մշակում էր ծրագիր, թե ինչպես ստիպի Fox Studios հոլիվուդյան հսկաներին, որ իրեն լուրջ վերաբերվեն: «Նա ցանկանում էր, որ իրեն էլ այնպիսի ուշադրության արժանացնեն, ինչպես Էլիզաբեթ Թեյլորին»:
Այն ժամանակ Կլեոպատրայի դերը Թեյլորին բերեց մեկ միլիոն դոլար, իսկ Մոնրոն «Ինչ-որ բան պետք է տեղի ունենա» ֆիլմի համար, որը դրաձավ նրա վերջին ֆիլմը, ստացավ ընդամենը 100 հազար դոլար:
Առավել հաջողակ մրցակցուհու պատճառով էլ դերասանուհին գնաց բաց լուսանկարվելու քայլին: Նման փորձ նա արդեն ուներ: Իր կարիերայի սկզբին նա լողավազանի մոտ նկարվել էր ինչպես լողազգեստով, այնպես էլ առանց լողազգեստի:
Շիլլերի խոսքերով՝ լուսանկարվելուց առաջ Մոնրոն իրեն ասել է . «Լարրի՛, ես համաձայնեցի այս քայլին գնալ, սակայն ուզում եմ վստահ լինել, որ լուսանկարները կհայտնվեն հենց այն համարների շապիկներին, որտեղ կլինեն նաև Էլիզաբեթ Թեյլորի լուսանկարները:
Ավելի ուշ նա Շիլլերին խոստովանել էր «Ես երկու ճանապարհ ունեմ` մերկանալ կամ էլ հեռանալ: Եվ ես դեռ չեմ հասկացել, թե դրանցից որն է ճիշտ»: Նա հաճախ էր ասում. «Երբեմն ինձ թվում է, որ իմ ամբողջ կյանքը երկարաձգված մերժում է»: Վերջին երկու տարիներին Մոնրոն ապրել է մշտական վախի և կասկածանքի մեջ: «Հիմա նայիր ինձ»,-ասել է նա լուսանկարչին իր մահից որոշ ժամանակ առաջ: Լուսանկարիչը շփոթված պատասխանել է «Դու աստղ ես: Քո լուսանկարները ամբողջ աշխարհի պարբերականների շապիկներին են: Բոլորը գիտեն, թե ով է Մերլին Մոնրոն»: «Թույլ տվեք հարցնել ձեզ, Լարրի Վո՛լֆ. Academy Award-ի քանի՞ մրցանակ ունեմ . ոչ մի»,- դառնությամբ նշել է դերասանուհին:
