«Առաջին լրատվականի» ունեցած տեղեկություններով, Կապանի նախկին լեռնահարստացման կոմբինատի` «Դինո Գոլդ Մայնինգ Քամփնիի» մոտ 65 օտարերկրացի աշխատակիցներ օրերս ազատվելու են աշխատանքից:
Վերջիներիս աշխատանքի էր հրավիրել նախկին գլխավոր տնօրեն Ռոբերտ Ֆալետան: Օտարերկրացիները տեղացիներից ավելի շատ փող են ստանում, ինչն էլ հանքագործների մոտ հաճախակի բողոքի տեղիք էր տալիս: «Մեր հանքերն ա, մենք չգիտենք` որը ինչպես պիտի անենք, որ Արխանգելսկից գան, խորհուրդներ տան հազար տարվա հանքափորին»,-մեզ հետ զրույցում ասացին աշխատակիցները: Նրանք ուրախությամբ են ընդունել գլխավոր տնօրենի ու նրա կնոջ ազատումը:
Հիշեցնենք, որ ձեռնարկության սեփականատեր «Dandee Precious Metals» կանադական ընկերության Բուլղարիայի և Հայաստանի պատասխանատու, ընկերության գործառնական գործադիր տնօրեն Ռիք Հոուսի որոշմամբ հունվարի 26-ին աշխատանքից ազատվել են ձեռնարկության գլխավոր տնօրեն Ռոբերտ Ֆալետան ու նրա կինը` Ֆարիդա Ֆալետան:
