Ինչպես գրում է DailyMail-ը, բարձր հասակն օգնում է լամպը փոխելիս կամ ամբոխի մեջ անհրաժեշտ մարդուն գտնելու հարցում, սակայն ինչ վերաբերում է կարճահասակներին, ապա նրանք բարձրահասակների համեմատ երկու տարով երկար ապրելու հնարավորություն ունեն: Այս մասին հետազոտությամբ ևս մեկ անգամ ապացուցել են սարդինացի գիտնականները:
Հետազոտության թիրախում են հայտնվել 1866-1915 թթ իտալական փոքրիկ կղզում ծնված 500 տղամարդիկ: Հետազոտության արդյունքները հաստատել են այլ երկրների գիտնականների՝ մինչ օրս հասակի և կյանքի տևողության միջև կապի մասին 12 հետազոտությունների արդյունքները: Նշենք, որ սարդինացիները հայտնի են մնացած եվրոպացիների համեմատ իրենց երկարակեցությամբ:
Հետազոտության արդյունքները օրինաչափ են նաև կենդանիների պարագայում: Փոքր ասիական փիղը երկար է ապրում, քան հսկա աֆրիկյան փիղը:
Փոքր օրգանիզմների կյանքի երկարատևությունը մասնագետները բացատրում են ԴՆԹ-ի վնասման ցածր հավանականությամբ, բջջափոխության մեծ ներուժով, արյան նորմալ շրջանառությամբ և սեռական հորմոնի բարձր քանակով:
