Ղազախստանի նախագահի եղբայր Բոլատ Նազարբաևն իր նախկին կնոջ` Մայրա Կուրմանգալիևայի դեմ Նյու Յորքի դատարանում դատական հայց է ներկայացրել: Այս մասին հաղորդում է «Ազատտիկ» ռադիոկայանը: Նա նախկին կնոջը մեղադրում է 20 մլն դոլար արժողությամբ նյույորքյան բնակարանը յուրացնելու մեջ:
Հայցում որպես պատասխանող կողմ է ներկայացված Կուրմանգուլիևայի որդին` Դանիյար Կեսիկբաևը («Ռեպորտյոր»-ի համաձայն` Կուրմանգուլիևայի որդին նախորդ ամուսնությունից է): Հայցվոր կողմի համոզմամբ` նախկին կինն ու նրա որդին եկել են հանցավոր համաձայնության:
Վերոնշյալ բնակարանը տեղակայված է Plaza շքեղ հյուրանոցում, որտեղ կան թե՛ հյուրանոցային համարներ, թե՛ մասնավոր բնակարաններ: Ղազախստանի նախագահի եղբայրը այն ձեռք էր բերել 2008թ. սկզբին: Նա Մայրային ու իր խորթ որդուն հանձնարարել է բնակարանը ձևակերպել իր անունով, սակայն, ինչպես երևում է հայցադիմումից, նրանք այն գրանցել են Մայրայի անունով, ապա ձևականորեն այն վաճառել Դանիյարին:
Բոլատ Նազարբաևը, ինչպես հայտնում է The New York Post-ը, պահանջում է իրեն վերադարձնել Plaza հյուրանոցում իր բնակարանները:
Բոլատն ու Մայրան ամուսիններ էին 2001-2011թթ.:
