Աստղագետները ռեկորդային սառը շագանակագույն գաճաճ՝ J1047+2 տիեզերական օբյեկտից գրանցել են ռադիոազդանշաններ: Այս մասին տեղեկացնում է lenta.ru-ն՝ վկայակոչելով The Astrophysical Journal Letters ամսագրում տպագրված հոդվածը:
Ճառագայթները որսալու համար գիտնականներն օգտագործել են աշխարհի ամենամեծ ռադիոաստղադիտակ Արեսիբոն, որը գտնվում է Պուերտո-Ռիկոյում: Հետազոտողները նկատել են, որ J1047+2 ենթաաստղային օբյեկտը կամ «քիմիական աստղը» մտնում է Առյուծի համաստեղության մեջ և գտնվում է Երկրից 33.6 լուսնային տարի հեռավորության վրա: Նրա ռադիոճառագայթումը 4.47 գիգահերց է:
Ենթաաստղային օբյեկտի ջերմաստիճանը 627 աստիճան Ցելսիուս է: Ռադիոճառագայթումը վկայում է այն մասին, որ այն նաև մագնիսական դաշտ ունի:
Շագանակագույն սառը գաճաճները տիեզերական մարմիններ են, որոնց չափերը համեմատելի են խոշոր մոլորակների հետ, սակայն նրանք արագ են կորցնում իրենց էներգիան:
Մասնագետները հուսով են, որ գաճաճի ռադիոճառագայթման ուսումնասիրմամբ հնարավոր կլինի հետագայում ուսումնասիրել էկզոմոլորակները:
