ՀՅԴ բյուրոյի անդամ, ՀՅԴ նախընտրական քարոզչության համակարգող Աղվան Վարդանյանն իր գործընկերների համեմատ բավական համեստ հայտարարագիր է ներկայացրել: Անցած ողջ տարին գործազուրկ լինելով՝ Ա. Վարդանյանը 2012 թ. մարտի 1-ին ունեցել է ընդամենը 7 հազ. դոլար և 1 մլն դրամ գումար: Ինչպես տեղեկանում ենք ԿԸՀ-ից «Առաջին լրատվական»-ին տրամադրված գույքի և եկամուտների հայտարարագրից, ՀՅԴ համամասնական ցուցակի 4-րդ տեղում գտնվող Ա. Վարդանյանը եկամտի որևէ աղբյուր չունի, ինչպես նաև չունի որևէ ներդրում` բաժնետոմս կամ արժեթուղթ:
Աշխատանքի և սոցիալական ապահովության նախկին նախարարը հայտարարագրում չի նշել նաև որևէ շարժական գույք, իսկ անշարժ գույք նշել է միայն 73 քմ մակերեսով բնակարան Դավիթաշենում:
Միաժամանակ, Ա. Վարդանյանը հայտարարագրել է 10-15 մլն դրամ արժողությամբ գեղանկարներ:
