Autoblog կայքի լրագրողների մոտ են հայտնվել Mercedes-Benz A-Class մեքենայի հաջորդ սերնդի նոր մոդելի լուսանկարները:
Այս նկարներից դատելով՝ կարելի է եզրակացնել, որ իր նախորդից այն տարբերվելու է սպորտային և ավելի ագրեսիվ տեսքով. այն նման կլինի չորսդռնանի կուպե CLS-ին, սակայն յուրահատկություններով, և կոնցեպտ BlueZero F-Cell-ին:
Ինչպես ավելի վաղ էր հայտնվում, նոր մեքենայի համար պետք է ստեղծվի նոր մոդուլային հենք: Այն կթողարկվի երեք և հինգ դռնանի տարբերակով, ինչպես նաև ավանդական AMG կոնստրուկտորական բյուրոյի կողմից ձևափոխված տեսքով: Նախնական տվյալներով, A-Class-ի ամենահզոր մոդելը կստանա 320 ձիաուժ ունեցող շարժիչ՝ երկու լիտրանոց տուրբո ներմղիչով, ինչպես նաև չորս քարշակ անիվների համակարգ` էլեկտրական կառավարմամբ բազմասկավառակային կցորդիչով:
A-Class-ի սովորական տարբերակները կստանան նոր շարժիչներ: Բենզինային` 1,5, 1,7 և 2,0 լիտր աշխատանքային ծավալներով, իսկ 2,0 լիտր աշխատանքային ծավալով դիզելային շարժիչները, որոնք եվրոպական շուկայում առաջարկվում են ներկայիս մոդելի համար, կհանվեն արտադրությունից: Դրանց փոխարեն կհայտնվեն նոր շարժիչներ, որոնք ստացվել են Daimler և Renault-Nissan խմբի համագործակցության արդյունքում:
Բացառված չէ, որ նախատիպը կցուցադրվի Ժնևյան ավտոսալոնում, որը տեղի կունենա այս տարվա մարտին: Նախնական տվյալներով, մեքենայի վերջնական տարբերակները կառաջարվեն 2012 թ. աշնանը: