«Deno Gold Mining Company» ընկերության տնօրեն Ռոբերտ Ֆալլետան և նրա տիկին Ֆարիդա Ֆալլետան, որը նույնպես աշխատում էր ընկերությունում, հեռացվել են աշխատանքից: Այս մասին ասվում է «Էկոլուր» հասարակական կազմակերպության տարածած հաղորդագրությունում: Նախնական տվյալների համաձայն` ժամանակավորապես տնօրենի պարտականությունները կկատարի ընկերության փոխտնօրեն Ռոն Մոբլին: Հիշեցնենք, որ «Deno Gold Mining Company» ընկերության շուրջ վերջերս աղմուկ բարձրացավ այն բանից հետո, երբ պարզվեց, որ ընկերությունը նախատեսում է շահագործել Շահումյանի ոսկու բազմամետաղային հանքավայրը բաց եղանակով: