Թուրքական Kanal 7 հեռուստաալիքին տված հարցազրույցի ժամանակ Թուրքիայի փոխվարչապետ Բեշիր Աթալայը 1997 թվականի փետրվարի 28-ին երկրում իրականացված հետմոդեռնիստական հեղաշրջման կոորդինացման մեջ մեղադրել է Թուրքիայի 9-րդ նախագահ Սուլեյման Դեմիրելին.
«Փետրվարի 28-ի դեպքերի ժամանակ Թուրքիայի նախագահը Սուլեյման Դեմիրելն էր: Հեղաշրջումն իրականացվել է նրա նախագահության ժամանակաշրջանում, և հենց նա է կոորդինացրել գործընթացը: Այլևս ի կատար չեն ածվի ժողովրդի կամքին միջամտելու ցանկությունները: Կառավարությունը վերջակետ է դրել այդ հարցին:
Ոչ ոք չի կասկածում, որ 1997 թվականի հեղաշրջումը կոորդինացրել է տվյալ ժամանակվա նախագահ Սուլեյման Դեմիրելը: Սովորաբար նա այդ մասին խոսել է ոչ մամուլ համար՝ պնդելով, թե դա ստիպողական քայլ էր: Նա վստահեցրել է, որ դրանով կանխել է մեծ իրադարձություն: Նշանակում է, որ նա կոորդինացրել է գործընթացը»:
Հիշեցնենք, որ հետմոդեռնիստական (թավշյա) հեղաշրջման գործով ձերբակալվել է ավելի քան 10 մարդ, որոնց թվում են պաշտոնաթող 2 գեներալներ և 2 ծովակալներ: Ի դեպ, Սուլեյման Դեմիրելը Թուրքայի 9-րդ նախագահ է եղել 1993 թվականի մայիսի 16-ից մինչև 2000 թվականի մայիսի 16-ն ընկած ժամանակահատվածում: