Ինչպես գրում է Daily Mail-ը, Վիրջինիայի բնակչուհի 44-ամյա Վիրջինիա Ֆայքը ապրիլի 7-ին Powerball վիճակախաղի երկու տոմս է գնել OldeStone Truck ռեստորանից: Դրանցից յուրաքանչյուրը 1 միլիոն դոլար է շահել: Տոմսերում առկա թվերը համընկել են շահող թվերին ՝ 5-13-17-20-30:
The Northern Virginia Daily-ին տված հարցազրույցում Ֆայքն ասել է, որ չի հավատում հաջողությանը:
-Ինձ թվում է հիմա կարթնանամ, ու չքնաղ երազը կանհետանա,- ասել է նա:
Կինն այդ օրը որոշել էր գնել նույն թվերով Powerball-ի և MegaMillions-ի մեկական տոմս, սակայն սխալմամբ վերցրել է Powerball-ի երկու տոմս: Նրա նախընտրած թվերը հիմնված են եղել իր ծնողների ամուսնության վրա: Ծնողներն ամուսնացել են մայիսի 13-ին: Այդ ժամանակ մայրը 17, իսկ հայրը 20 տարեկան էր:
Այժմ Ֆայքը մտադիր է խոսել ֆինանսական խորհրդատուի հետ՝ գումարը խելամտորեն ներդնելու համար:
