Մանրածախ առևտրի ամերիկյան հսկաներից մեկին` Wall-Mart ցանցին, Մեքսիկայում մեղադրել են կոռուպցիոն մեծ գործարք իրականացնելու մեջ: The New York Times-ը տեղեկացնում է, որ կիրակի օրը հրապարակվել են նյութեր, որտեղ նկարագրվում են այն մեխանիզմները, որոնց միջոցով ամերիկյան ընկերությունը տեղի իշխանություններից Wall-Mart-ի նոր խանութների կառուցման իրավունք է ստացել: Այս մասին հաղորդում է BBC-ն:
Wall-Mart-ում սկզբում փորձել են թաքցնել այս փաստը, սակայն մանրամասները պարզվել են ներքին հետաքննություն անցկացնելուց հետո: Wall-Mart-ը հանդես է եկել հայտարարությամբ, որում իր լուրջ մտահոգությունն է հայտնել հրապարակված փաստերի կապակցությամբ և խոստացել է անցկացնել մանրամասն քննություն:
