Ինչպես հաղորդում է France Presse գործակալությունը, այս պահին արդեն հաշվարկվել է Ֆրանսիայում նախագահական ընտրություններին մասնակցած քաղաքացիների ձայների 99.9%-ը: Ֆրանսիայի գործող նախագահ Նիկոլա Սարկոզին ունի 27,1%: Նա 1,5%-ով ետ է մնում սոցիալիստների ղեկավար Ֆրանսուա Հոլանդից, որն ունի 28,6%:
«Ազգային ճակատի» թեկնածու Մարին Լե Պենը հավաքում է ձայների մոտ 18%-ը, ինչը լավագույն արդյունքն է քաղաքական այս կազմակերպության կողմից երբևէ առաջադրված թեկնածուների համար: Չորրորդը «Ձախ ճակատի» թեկնածու Ժան Լյուկ Մելանշոնն է, որն ունի ձայների 11,1%-ը:
Փորձագետները կարծում են, որ հենց այս երկու թեկնածուներից է կախված, թե ով կլինի Ֆրանսիայի նախագահը հաջորդ ժամկետի ընթացքում:
Մելանշոնը երեկ իր կողմնակիցներին կոչ է արել քվեարկել Նիկոլա Սարկոզիի օգտին: Իսկ ահա Մարին Լե Պենն ասել է, որ չի պատրաստվում աջակցել որևէ թեկնածուի և կոչ չի ուղղի իրեն ձայն տված ֆրանսիացիներին:
