Գիտնականները տարիներ շարունակ ենթադրություններ են արել, որ ուղեղում կա այսպես կոչված «Աստծո կետ»` մի որոշակի հատված, որը պատասխանատու է մարդու մեջ հոգևորի և Աստծո հանդեպ հավատի համար:
Daily Mail-ը գրում է որ Միսուրիի համալսարանի հետազոտողներն իրականացրել են մի հետազոտություն, որով ապացուցվում է, որ կրոնականությունը բարդ հասկացություն է, և որ ուղեղի մի քանի հատված պատասխանատու են հոգևոր գործողությունների համար:
Նոր աշխատանքը հիմնված է նախկինում հրատարակված հետազոտության վրա, որն ապացուցում էր, որ հոգևորության սահմանն անցնելը կապված է աջ կիսագնդի աշխատանքի հետ:
Այժմ գիտնականներն ապացուցել են, որ հոգևոր ու կրոնական տարբեր գործողությունների համար պատասխանատու են ուղեղի տարբեր հատվածներ:
