Ապրիլի 21-ին Վարշավայում 20 հազար մարդկանց մասնակցությամբ ընդդիմության բողոքի ցույց է տեղի ունեցել: Ցույցի մասնակիցները պահանջել են հարգել երկրի կաթոլիկական ԶԼՄ-ների իրավունքները:
«Իրավունք և արդարություն», «Միասնական Լեհաստան» ընդդիմադիր կուսակցությունների անդամները, ինչպես նաև պահպանողական ԶԼՄ-ների խմբագիրները համոզված են, որ ներկայիս իշխանությունները խտրական քաղաքականություն են վարում առաջին հերթին «Թրվամ» կաթոլիկական հեռուստաալիքի հանդեպ, որը, կառավարության որոշման համաձայն, կարող է զրկվել եթերի իրավունքից:
«Խոսքը լեհական ժողովրդավարության, ԶԼՄ-ներում ազատության և բազմակարծության մասին է: Յուրաքանչյուր պարկեշտ մարդ, նույնիսկ աթեիստ լինելով, պետք է ընդունի, որ մեր երկրի կաթոլիկներն իրավունք ունեն ունենալ սեփական ԶԼՄ-ները: Իսկ ԶԼՄ-ները երկրում պետք է լինեն տարբեր, քանի որ առանց դրա չի կարող լինել ժողովրդավարություն»,- հայտարարել է «Իրավունք և արդարություն» կուսակցության առաջնորդ Յարոսլավ Կաչինսկին:
Իշխանություններն իրենց հերթին հայտարարել են, որ բողոքի որևէ պատճառ չկա:
