Ֆրանսիայի անդրծովյան տիրույթների բնակիչները և Հարավային ու Հյուսիսային Ամերիկայում բնակվող ֆրանսիացիները սկսել են նախագահական ընտրությունների քվեարկությունը: Այս մասին հայտնել են ֆրանսիական ԶԼՄ-ները:
Նախագահական ընտրությունների առաջին փուլում ընտրողները պետք է քվեարկեն 10 թեկնածուներից որևէ մեկի օգտին, որոնցից 2-ը կմրցեն մայիսի 6-ին կայանալիք ընտրությունների երկրորդ փուլում:
Հարցման արդյունքների համաձայն` երկրորդ փուլ կանցնեն Ֆրանսիայի գործող նախագահ Նիկոլա Սարկոզին և նրա հակառակորդ` սոցիալիստ Ֆրանսուա Օլլանդը:
Մայրցամաքային Ֆրանսիայում ընտրությունները կսկսվեն կիրակի օրը՝ տեղի ժամանակով ժամը 08:00-ին, բայց որոշ անդրծովյան շրջանների բնակիչներ ժամային տարբերությամբ պայմանավորված` արդեն սկսել են քվեարկությունը: Առաջինը բացվել են Սեն-Պիեր կղզու և Միկելոնի ընտրատարածքները: Ընդհանուր առմամբ կղզում գրանցված են ընդամենը 4.9 հազար ընտրողներ:
Շաբաթ օրը քվեարկում են նաև Հարավային Ամերիկայում գտնվող Ֆրանսիական Գվիանայի, Կարիբյան ավազանի կղզիների բնակիչները: Այս տարածքների ընտրատեղամասերում գրանցված են մոտ 900 հազար ֆրանսիացիներ:
ինչպես նաև Հյուսիսային և Հարավային Ամերիկայում, Նյու-Յորքում բնակվող ֆրանսիացիները: Մոնռելաում ևս մոտ 44 հազար ֆրանսիացիներ շաբաթ օրը կքվեարկեն նախագահական ընտրություններում:
Մերձծովյան շրջաններում և Ֆրանսիայի սահմաններից դուրս քվերակության արդյունքները կհրապարակվեն ապրիլի 23-ին:
