Արժույթի միջազգային հիմնադրամի երկրները ուրբաթ հայտարարել են, որ ավելացնում են կազմակերպության ռեսուրսները 430 մլրդ դոլարով՝ գրեթե 2 անգամ:
Մասնավորապես, ինչպես հաղորդում է Associated Press-ը, եվրոգոտու մեջ մտնող երկրները ԱՄՀ-ին տրամադրել են մոտ 200 մլրդ դոլար, Լեհաստանը՝ մոտ 8 մլրդ դոլար, Ճապոնիան՝ 60 մլրդ դոլար, Մեծ Բրիտանիան՝ 1 մլրդ դոլար:
«Մենք հավատարիմ ենք մնում համաշխարհային ֆինանսական կայունության ապահովման համար բոլոր անհրաժեշտ միջոցառումները ձեռնարկելու խնդրին… ԱՄՀ ֆինանսական կոմիտեի հետ մենք պայմանավորվածություն ենք ձեռք բերել ավելացնել ԱՄՀ ռեսուրսները՝ ճգնաժամերը և դրանց հետևանքները հաղթահարելու համար: Կոշտ պարտականություններ կան՝ ավելացնել ԱՄՀ ռեսուրսները ավելի քան 430 մլրդ դոլարով: Այդ ռեսուրսները հասանելի կլինեն ԱՄՀ բոլոր անդամներին և նախատեսված չեն լինի կոնկրետ որևէ տարածաշրջանի համար»,- ասվում է փաստաթղթում, որի տեքստը մեջբերում է RIA Novosti-ն:
«Այս որոշումը անցյալ ամիս ազգային և տարածաշրջանային մակարդակներով իրականացված գործողությունների և ֆինանսական միջոցառումների հետ ապացուցում են միջազգային հանրության հակվածությունը՝ պաշտպանել համաշխարհային ֆինանսական կայունությունը և համաշխարհային տնտեսության վերականգնումը դնել հուսալի գծի վրա»,- ասվում է Վաշինգտոնում G20-ի հանդիպման արդյունքում ընդունված կոմյունիկեում:
