Հյուսիսային Կորեայում տեղի են ունեցել բազմահազարանոց ցույցեր, որոնք դատապարտել են Հարավային Կորեայի կառավարության քննադատությունները՝ կապված ԿԺԴՀ–ի կողմից հրթիռների արձակման հետ:
Ինչպես հաղորդում է BBC-ի թղթակիցը, տասնյակ հազարավոր ցուցարարներ Փխենյանում սատարել են Հարավային Կորեայի դեմ «սրբազան պատերազմ» սկսելու կոչը, եթե նա ներողություն չխնդրի իր արտահայտությունների համար:
Ավելի վաղ Սեուլը հայտարարել էր, որ ԿԺԴՀ–ն հսկայական գումարներ է ծախսում սպառազինման վրա` այդ գումարներով իր ժողովրդին կերակրելու փոխարեն:
Անցած շաբաթ Հյուսիսային Կորեան հրթիռի անհաջող թողարկում է իրականացրել, ինչը մասնգետների կարծիքով՝ երկրի վրա նստել է 850 միլիոն դոլար:
