Հյուսիսային Կորեայի կողմից հրթիռի արձակումից հետո, որը անհանգստություն առաջացրեց տարածաշրջանում, Հարավային Կորեան այժմ ներկայացրել է իր նոր հրթիռները` պարծենալով, որ դրանք կարող են հարվածել Հյուսիսային Կորեայում գտնվող ցանկացած թիրախի:
Yonhap լրատվական գործակալության հաղորդմամբ` Հարավային Կորեայի նախագահն ասել է, որ եթե իրենք ուժեղ լինեն, ապա Հյուսիսային Կորեան սադրիչ հայտարարություններ չի անի. նրանք նման բան անում են միայն այն դեպքում, երբ Հարավային Կորեան թույլ է:
Հրթիռի փորձարկման տեսանյութը հինգշաբթի օրը ներկայացվել է լրագրողներին: Հաղորդվում է, որ այն կարող է հարվածել այնպիսի փոքր թիրախի, ինչպիսին պատուհանն է, որը գտնվում է հարյուրավոր կիլոմետր հեռավորության վրա: Հարավային Կորեան հայտարարել է, որ իրենք կարող են հարձակվել Հյուսիսային Կորեայի ցանկացած ռազմական թիրախի վրա:
