Գործազրկության նպաստի համար առաջին անգամ դիմած ամերիկացիների թիվը կրճատվել է 2 հազարով` հասնելով 386 հազարի: Այս մասին տեղեկացրել է Вести Экономика-ն` հիմնվելով երկրի աշխատանքի նախարարության տվյալների վրա:
Ըստ այս տվյալների` մեկ շաբաթ առաջ դիմումների թիվը կազմել է 388 հազար, որն ամենաբարձր ցուցանիշն է այս տարվա հունվար ամսվա վերջից:
Ընդ որում՝ վերլուծաբաններն ակնկալում էին, որ դիմումների թիվը կկրճատվի 10 հազարով` կազմելով 370 հազար:
Անգործության նպաստ ստացող ամերիկացների թիվը նվազել է 98 հազարով` կազմելով 3 միլիոն 271 հազար մարդ:
Հիշեցնենք, որ 2012 թ. մարտին ԱՄՆ-ում գործազրկության մակարդակն անսպասելիորեն կրճատվել էր մինչև 8.2 %, որն 2009–ից ի վեր ամենացածր ցուցանիշն է եղել:
