ՆԱՏՕ-ն Հնդկաստանը չի համարում միջուկային վտանգ ներկայացնող երկիր՝ չնայած երկրի հրթիռային զարգացած ծրագրին: Նման հայտարարությամբ է հանդես եկել ՆԱՏՕ-ի գլխավոր քարտուղար Անդերս Ռասմուսենը:
HindustanTimes-ի փոխանցմամբ՝ Agni-5 հրթիռը, որը կարող է հարվածել Չինաստանին, հաջողությամբ է փորձարկվել Հնդկաստանում:
Նման հաջողությունը Հնդկաստանը կմիավորի այն երկրների հետ, որոնք ունեն միջմայրցամաքային բալիստիկ հրթիռներ: Այդ երկրներն են ԱՄՆ-ը, Ռուսաստանը, Չինաստանը, Մեծ Բրիտանիան և Ֆրանսիան:
Բրյուսելում մամլո ասուլիսի ժամանակ Ռասմուսենը չորեքշաբթի օրն ասել է, որ իրենք չեն կարծում, թե Հնդկաստանը վտանգ է ներկայացնում ՆԱՏՕ-ի դաշնակիցների կամ տարածաշրջանի համար:
