ՆԱՏՕ-ի գլխավոր քարտուղար Անդերս Ֆոգ Ռասմուսենը չի կարող մասնացկել մայիսին Մոսկվայում կայանալիք Հակահրթիռային համակարգերի պաշտպանության (ՀՀՊ) խնդիրներին նվիրված համաժողովի աշխատանքերին:
«Ես չեմ կարծում, թե գլխավոր քարտուղարը անձամբ մասնակցություն կունենա, քանի որ զբաղված է Չիկագոյում կայանալիք գագաթաժողովին: Բայց ՆԱՏՕ-ն ներկայացված համաժողովին կլինի ամենաբարձր մակարդակով»,- Interfax-ին տված հարցազրույցում հայտարարել է դաշինքի պաշտոնական ներկայացուցիչ Օանա Լունգեսկուն:
Հիշեցնենք, որ ավելի վաղ հաղորդվում էր, որ 49 երկրների ներկայացուցիչներ, ինչպես նաև ՆԱՏՕ-ի , ԱՊՀ-ի, ՀԱՊԿ-ի ներկայացուցիչները կմասնակցեն ՀՀՊ-ի խնդիրներին նվիրված միջազգային համաժողովին:
