Ադրբեջանական APA լրատվական գործակալության փոխանցմամբ՝ Ստոկհոլմում գործող Խաղաղության ուսումնասիրության միջազգային ինստիտուտի (SIPRI) հրապարակած զեկույցում նշված է, որ 2011 թվականին Եվրոպայում ռազմական ծախսերի ամենամեծ աճը գրանցվել է Ադրբեջանում:
Ընդհանուր առմամբ, նախորդ տարի Եվրոպայի ռազմական ծախսերը նվազել են 0.2 տոկոսով և կազմել են 406 միլիարդ դոլար: Արևելյան Եվրոպայի երկրներն իրենց ռազմական ծախսերն ավելացրել են 10.2 տոկոսով, մինչդեռ Արևմտյան ու Կենտրոնական Եվրոպայի ռազմական ծախսերը նվազել են 1.9 տոկոսով:
Նախորդ տարի Եվրոպայում ռազմական ծախսերի ամենամեծ աճը (89 տոկոս) գրանցվել է Ադրբեջանում, ինչը զեկույցում կապվում է Ղարաբաղյան հակամարտության հետ: 2011 թվականին Վրաստանի ռազմական ծախսերը նվազել են 18 տոկոսով:
