Քնի խանգարումը, ժամային գոտիների փոփոխման սինդրոմը և ժամանակի զգացողության այլ խանգարումներ առաջանում են վիրահատության համար հիվանդի ընդհանուր անզգայացումից հետո: Պատճառը կենսառիթմերի խախտումն է: Այս մասին տեղեկացնում է ria.ru-ն՝ վկայակոչելով Proceedings of the National Academy of Sciences ամսագրում տպագրված հոդվածը:
Գեները, որոնք մարդու օրգանիզմում կարգավորում են կենսառիթմերը, հայտնաբերվել են 90-ականներին: Նման գեներ գոյություն ունեն նաև բույսերի և կենդանիների գեներում: ԴՆԹ-ի այդ մասնիկները կարգավորում են մի շարք գործընթացներ՝ քնի և արթնանալու ժամանակը, ծաղկի բացվելու գործընթացը, սնունդ հայթաթելու գործընթացը և այլն:
Ինչպես բացատրում են գիտնականները, վիրահատված մարդը, որը որոշ ժամանակ եղել է անգիտակցական վիճակում, չի կարողանում անմիջապես վերադառնալ իրականություն, հասկանալ, թե որքան ժամանակ է անցել: Դրանով է բացատրվում այն, որ կլինիկաներում վիրահատվելուց հետո հիվանդներն իրենց այդքան վատ են զգում:
Գիտնականները փորձեր են իրականացրել մեղուների վրա: Նախ ուսումնասիրել են մեղվաընտանիքի կենսագործունեությունը, որից հետո նրանց 6 ժամով անզգայացրելեն: Պարզվել է, որ միջատների մոտ բիոժամերը և ակտիվության ցիկլերը ևս խաթարվել են:
