Mac համակարգիչները վերջերս դարձել էին Flashback Trojan-ի զոհ, որի պատճառով վնասվել էին ավելի քան 650.000 սարքեր, և այժմ հետազոտողներն ասում են, որ հայտնաբերել են Տրոյան ծրագրի ևս երկու տեսակ, որոնք կարող են վնասել ավելի շատ Mac համակարգիչների:
Ինչպես հաղորդում է SlashGear-ը, մեկը Backdoor.OSX.SabPub.a-ի կամ պարզապես SabPub-ի տեսակ է, որը համակարգչին կրկին վնասում է Java-ի միջոցով, իսկ մյուսը՝ Microsoft Word փաստաթղթերի միջոցով:
Kaspersky ընկերությունը հայտնել է նոր ծրագրերի մասին և տեղեկացրել, որ SabPub Trojan-ը տարբերվում է Flashback-ից: SabPub-ն ավելի վտանգավոր է, քանի որ այն թույլ է տալիս, որ զոհի ողջ համակարգը ղեկավարվի ցանցահենի կողմից: Հաղորդվում է, որ այն կարող է ավելի շատ համակարգիչներ վնասել, քան Flashback-ը:
